Sierra Madre lyrics - Coritha




Nakatanggap ako ng sulat mula sa amin
Nakalarawan doon ang maraming kong alaala
At bigla akong lumuha dahil ako'y sabik na
Sa lalawigan kong minumutya

Naghihintay pa rin ang irog ko doon sa amin
Mga magulang nama'y nag-aalala sa akin
O, masilayan ko man lamang bundok, parang at batis
Gumagaan ang hirap ko at pasakit

Chorus:
Awitin ko, awitin ko'y makauwi na
Sa duyan ng aking kamusmusan
Sa piling mo, o, Sierra Madre
Kandungan mo'y laging hinahanap

Ano kaya ang gagawin ko ngayong wala nang
Natitirang pag-asa sa aking mga pangarap
Kaya't kung mayro'n mang nakikinig sa aking damdamin
Ay dalhin mo na ang awit ko sa amin

Chorus:
Awitin ko, awitin ko'y makauwi na
Sa duyan ng aking kamusmusan
Sa piling mo, o, Sierra Madre
Kandungan mo'y laging hinahanap

Coda:
Kandungan mo'y laging hinahanap [2x]

Lolo Jose lyrics - Coritha




Noong panahong siya ay hari
Masigla ang kanyang pagbati
Mahigpit ang hawak ng mga daliri
At ang lakad nama'y matuwid

Mahusay ang kanyang talumpati
Makisig kung siya ay magdamit
Malalim ang kanyang pag-iisip
At lahat ay sa kanya nakatitig

Ngunit ngayong siya'y pagod na
Mahina na rin ang katawan
Pinagmamasdan na lamang sa bintana
Ang unti-unting pagdaloy ng ulan

At ang unang tanong sa umaga
Kung ano ang kanyang nagawa
Sa paglipas ng siyamnapung taon
Nang siya'y malakas at bata pa

Chorus:
Si Lolo Jose, si Lolo Jose
Si Lolo Jose ay matanda na
Ngunit mahal ko pa si Lolo Jose
Kahit siya ngayon ay laos na

Sa piling ng mga alaala
Lagi na lamang nag-iisa
Kahit sulyap, walang maaasahan
Sa anak na 'di man siya mapagbigyan

At ang unang tanong sa umaga
Kung mayro'n pa siyang magigisnan
Na liwanag sa nalalabing buhay
Ngayon siya'y matanda at laos na

Chorus:
Si Lolo Jose, si Lolo Jose
Si Lolo Jose ay matanda na
Ngunit mahal ko pa si Lolo Jose
Kahit siya ngayon ay laos na

Sa dilim ng kanyang pag-aasam
Maghapon na lang nakabantay
Kung kanyang matatanaw pa ang hiwaga
Nang hindi malimot niyang nakaraan

At ang diwa ng kahapon
'Di na matagpuan
At ang sinag ng umaga
Dinaanan ng ulan

At ang hirap ng nasa puso
'Di na mapapantayan
Kung maari lang, maari lang
Pawiin ang dusa

Chorus:
Si Lolo Jose, si Lolo Jose
Si Lolo Jose ay matanda na
Ngunit mahal ko pa si Lolo Jose
Kahit siya ngayon ay laos na

Oras Na lyrics - Coritha




May bulong, dinggin mo
Ihip ng ating panahon
May sigaw, dinggin mo
At ubos na ang oras mo

Oras na, magpasiya
Kung saan ka pupunta
Oras na, oras na
Mag-iba ka ng landas

CHORUS
Tayo na sa liwanag
Ang takot ay nasa isip lamang
Tama na ang pag-aalinlangan
Ang takot ay nasa isip lamang

Kung daa’y ‘di tiyak
At ang ulo’y laging ligaw
Damhin mo, damhin mo
Ang landas ng puso mo

CHORUS
Tayo na sa liwanag
Ang takot ay nasa isip lamang
Tama na ang pag-aalinlangan
Ang takot ay nasa isip lamang

Dinggin mo, damhin mo
Ang landas ng puso mo
Oras na, oras na
Magbuo ka ng pasiya

CHORUS
Tayo na sa liwanag
Ang takot ay nasa isip lamang
Tama na ang pag-aalinlangan
Ang takot ay nasa isip lamang

Takot ay nasa isip lamang