Noong isilang ka sa mundong ito
Laking tuwa ng magulang mo
At ang kamay nila ang iyong ilaw
At ang nanay at tatay mo’y
Di malaman ang gagawin
Minamasdan pati pagtulog mo
At sa gabi’y napupuyat ang iyong nanay
Sa pagtimpla ng gatas mo
At sa umaga nama’y kalong ka
Ng iyong amang tuwang-tuwa sa 'yo
Ngayon nga ay malaki ka na
Nais mo’y maging malaya
Di man sila payag
Walang magagawa
Ikaw nga ay biglang nagbago
Naging matigas ang iyong ulo
At ang payo nila’y sinuway mo
Di mo man lang inisip na
Ang kanilang ginagawa’y para sa 'yo
Pagkat ang nais mo’y
Masunod ang layaw mo
Di mo sila pinapansin
Nagdaan pa ang mga araw
At ang landas mo’y naligaw
Ikaw ay nalulong sa masamang bisyo
At ang una mong nilapitan
Ang iyong inang lumuluha
At ang tanong,”anak, ba’t ka nagkaganyan”
At ang iyong mga mata’y biglang lumuha ng di mo napapansin
Nagsisisi at sa isip mo’y
Nalaman mong ika’y nagkamali
Pagsisisi at sa isip mo’y
Nalaman mong ika’y nagkamali
Pagsisisi at sa isip mo’y
Nalaman mong ika’y nagkamali
Pagsisisi at sa isip mo’y
Nalaman mong ika’y nagkamali